កាត់ក្រី និងដកហូតដើមឈើមានហានិភ័យ និងបាំងទេសភាពនៅបរិវេណប្រាសាទក្រវ៉ាន់

ដោយ:កវី/សៀមរាប៖ ក្រុមការងារនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន រួមជាមួយផ្នែកពាក់ព័ន្ធបានចុះពិនិត្យ និងអនុវត្តវិធានការបន្ទាន់ចំពោះដើមឈើចំនួន១៦ដើមដែលមានហានិ ភ័យខ្ពស់ នៅបរិវេណប្រាសាទក្រវ៉ាន់។
ការងារធ្វើឡើងដើម្បីធានាសុវត្តិភាពជូនភ្ញៀវទេសចរ ជៀសវាងគ្រោះថ្នាក់ប៉ះពាល់ដល់អាយុជីវិត និងបង្កលក្ខណះងាយស្រួលសម្រាប់ការទស្សនាទេសភាពជុំវិញប្រាសាទក្រវ៉ាន់ផង។

 ដើមឈើដែលបានកាត់ដកហូតរួមមាន ដើមអំពិលងាប់១ដើម និងពុទ្រា៣ដើម(ផ្កាមានក្លិនស្អុយ)។ ចំណែកឯដើមឈើដែលបានកាត់ក្រីមែក១២ដើម រួមមាន ឈើទាល១០ដើម អង្កាញ់ ១ដើម និងត្រាងអោបចំបក់១ដើម ដែលមានមែកសាខាច្រើន ដុះក្បែរប្រាសាទ និងផ្លូវចូលប្រាសាទ ត្រូវបានកាត់ក្រី៣៧មែកចេញ ដើម្បីសម្រាលតួដើម ចៀសវាងដួលរលំមកលើប្រាសាទ និងភ្ញៀវទេសចរ៕