Siem Reap Today Siem Reap Today
Related Articles
សៀមរាប៖ ជនរងគ្រោះ៨គរួសារ ដែលទិញផ្ទះ៨ល្វែងពីឈ្មោះលី ហាំងសេង បានឈរលើកបដា សុំអោយតុលាការជួយផ្តល់យុត្តិធម៌ ដោយផ្តល់ផ្ទះដល់ពួកគាត់ក្រោយបង់ប្រាក់ហើយមិនទទួលបានផ្ទះ។
.ការលើកបដាទាមទារនេះ ធ្វើឡើងនារសៀលថ្ងៃទី២ ខែកុម្ភះ ឆ្នាំ២០២៣ បន្ទាប់ពីសមត្ថកិច្ចចាប់ខ្លួនប្រពន្ធលី ហាំងសេង ឈ្មោះអៀង ប៊ួយគង់ ហើយបញ្ជូនមកកាន់តុលាការ។ .ស្ត្រីឈ្មោះអៀង ប៊ួយគង់ ដែលត្រូវជាប្រពន្ធឈ្មោះលីហាំងសេង ត្រូវសមត្ថកិច្ចកងរាជអាវុធហត្ថខេត្ត សៀម រាប ចាប់ខ្លួនកាលពីព្រឹកថ្ងៃទី២ខែកុម្ភះ ឆ្នាំ២០២៣ តាមដីកាអោយចូលខ្លួនលេខ៧៥អយឃ ចុះថ្ងៃទី២៣ ខែមករា ឆ្នាំ២០២៣ ដែលចុះហត្ថលេខាដោយលោកវ៉ា សក្តា ព្រះរាជអាជ្ញារង។
.ក្រុមពលរដ្ឋរងគ្រោះបានអោយដឹងថា ផ្ទះក្នុង១មួយល្វែងដែលពួកគាត់បានទិញ មានតម្លៃចាប់ពី២៨ទៅ ៣០ម៉ឺនដុល្លារ ផ្ទះល្វែងនេះ ស្ថិតក្នុងភូមិជន្លង់ សង្កាត់សាលាកំរើកក្រុងសៀមរាប។ ក្នុងផ្ទះមួយល្វែងៗពួក គាត់បានកក់ប្រាប់ ពី៥០ទៅ៨០%ហើយ ប៉ុន្តែពេលទៅបង់ប្រាក់ផ្តាច់ដើម្បីទទួលយកផ្ទះ បុគ្គលឈ្មោះលីហាំងសេង និងប្រពន្ធ គេចវេសមិនព្រមជួបក្នុងការប្រគល់ផ្ទះនោះឡើយ ទើបពួកគាត់សម្រេចដាក់ពាក្យប្តឹងទៅតុលាការបែបនេះ។
.ប្រភពបន្តថា ក្នុងការទិញផ្ទះល្វែងនេះពួកគាត់បានធ្វើកិច្ចសន្យា និងបានផ្តិតមេដៃ នៅមុខមេធាវីត្រឹមត្រូវ កាលពី ឆ្នាំ២០២០។ .ជាមួយគ្នានោះ ក្រុមពលរដ្ឋដែលរងគ្រោះ បានទទូចសុំអោយស្ថាប័នតុលាការ ជួយផ្តល់យុត្តិធម៌ដោយអោយភាគី លី ហាំងសេង និងប្រពន្ធ ផ្តល់ផ្ទះល្វែងដល់ពួកគាត់ទាំង៨គ្រួសារ។ ក្នុងករណីថៅកែផ្ទះល្វែងខាងលើមិនព្រមសងទេនោះ សុំកុំអោយមានការដោះ លែងអោយសោះ ត្បិតប្តីប្រពន្ធទាំងពីរូបនេះ គឺជាជនបោកប្រាស់ ហើយក៍អាចបន្តបោកប្រាស់ដល់ពលរដ្ឋផ្សេងៗទៀតក៍ថាបានផងដែរ។ ប៉ុន្តែនៅល្ងាចថ្ងៃដដែល ស្រីជាជនសង្ស័យ ត្រូវបានបញ្ជូនទៅពន្ធនាគារហើយ៕
