សៀមរាប÷ក្នុងខណ:ដែលរដូវបុណ្យចូលឆ្នាំបានជិតចូលមកដល់ ទាំងមន្ត្រីរាជការ ទាំងប្រជាពលរដ្ឋជាប់មមាញឹកផ្តោតតែរឿងរៀបចំអង្គរសង្ក្រាន្ត ឈ្មួញឈ្មោះសេង មង្គល បានទៅសម្រុកឈូសឆាយព្រៃលិចទឹកនៅក្នុងសង្កាត់ស្រង៉ែ ជីកយកអាចម៍ដីលក់ ក្នុងមួយថ្ងៃរាប់ពាន់ឡាន ក្រោមលេសស្តារអាងទឹក។
.ទីតាំងព្រៃលិចទឹកដែលរងការឈូសឆាយបំផ្លាញពីសំណាក់ឈ្មួញឈ្មោះសេង មង្គល ស្ថិតក្នុងភូមិស្រង៉ែ សង្កាត់ស្រង៉ែ ក្រុង.ខេត្តសៀមរាប ត្រង់ចំណុចខាងលើទំនប់៧៨។
. តាមការបញ្ជាក់របស់ក្រុុមពលរដ្ខ ដែលធ្វើស្រែជាប្រ ចាំនៅតំបន់នោះ បានអោយដឹងថា ដីដែលឈ្មោះសេងមង្គល កំពុងឈូសឆាយព្រៃ គឺជាឃ្លាំងស្តុកទឹកសម្រាប់ស្រោចស្រព្វស្រែប្រាំង។ ឃ្លាំងទឹកនេះបានបង្កើតឡើងតាំងពីឆ្នាំ១៩៧៨មកម្លេះ ហើយក៍មិនមែនជាកម្មសិទ្ធិរបស់បុគ្គលណាម្នាក់នោះដែរ។ ក្រៅពីផ្តល់ទឹកសម្រាប់ស្រោចស្រព្វដំណាំស្រូវ ឃ្លាំងទឹកទំនប់៧៨នេះ ក៍ជាជម្រកត្រីពងនិងកូន ត្បិតទីនេះហ៊ុំពទ្ធ័ដោយដើមឈើប្រភេទព្រៃលិចទឹក ដែលការពារដោយមន្ទីរជំនាញ និងពលរដ្ខក្នុងតំបន់នេះ។
.ប្រភពបន្តថា ក្នុងរយ:ពេលនេះ ក៍ស្រាប់តែឃើញគ្រឿងចក្រជាច្រើនរបស់ឈ្មោះសេង មង្គល បានចូលមកជីកកាយហ៊ុំពទ្ធ័ធ្វើជាក្រវ៉ាត់ ហើយឈូសឆាយព្រៃ ជីកយកដីដឹកចេញយ៉ាងគគ្រឹកគគ្រេង តែមិនឃើញមានខាងណាមកហាមឃាត់ឡើយ។ មិនដឹងច្បាស់ថាគេជីកធ្វើស្រះទុកចិញ្ចឹមត្រីរបស់ក្រុមហ៊ុនឬយ៉ាងណាទេ តែឮតៗគ្នាថា គេស្តារអាងទឹក។
.ក្រុមពលរដ្ខខាងលើបន្ថែមថា មិនខ្វល់ថាគេធ្វើអ្វីនោះទេ សម្រាប់ពួកគាត់ចង់អោយថ្នាក់ខេត្ត និងមន្ទីរជំនាញរក្សាទីនេះអោយនៅភាពដដែល ដើម្បីជាប្រយោជរួម ពីព្រោះថាកន្លងមកមានកន្លែងខ្លះ ក្រោយពេលគេជីកកើតជាស្រះហើយ គេហាមឃាត់មិនអោយពលរដ្ឋទៅក្បែរឡើយ។ (នេះគឺជាចំណុចដែលពួកខ្ញុំពលរដ្ខបារម្មណ៍បំផុត)។ ហេតុដូច្នេះ សូមសំណូមពរដល់ថ្នាក់ដឹកនាំខេត្ត មន្ទីរពាក់ពន្ធ័ មេត្តាបញ្ឈប់សកម្មភាពឈូសឆាយព្រៃ ជីកយកអាចម៍ដី ដោយរក្សាបំបន់នេះនៅដដែល។
ជាមួយនឹងការដាក់គ្រឿងចក្រ ឈូសឆាយព្រៃលិចទឹកជីកយកអាចម៍ដី របស់ឈ្មួញឈ្មោះសេង មង្គលដែលកំពុងបំផ្លាញធនធានធម្មជាតិយ៉ាងធ្ងម់ធ្ងរ និងកំពុងបង្កការភ័យខ្លាចដល់ពលរដ្ឋរាប់រយគ្រួសារនេះអភិបាលរងក្រុងសៀមរាប លោក ហាយ យង់ បានថ្លែងតាមប្រព័ន្ធតេឡេក្រាមថា ការជីកស្តារនោះកន្លងទៅមានអាជ្ញាបណ្ណ័ តែមិនដឹងថាពេលនេះ ក្នុងអាជ្ញាបណ្ណ័នោះកាយបានកំរិតណា ឬក៍អស់ហើយនោះទេ។
ដោយឡែកមន្ត្រីជំនាញរ៉ែ និងថាមពល នៃខេត្តសៀមរាប បានបង្ហើបថា ក្នុងអាជ្ញាបណ្ណ័មួយផ្តល់សិទ្ធិអោយធ្វើអាជីវកម្មតែ១ហិកតាប៉ុណ្ណោះ។ អីចឹងទេសេង មង្គល ដែលកំពុងជីកកាយរាប់សិបហិកតានេះមិនដឹងថា គេបានបន្តអាជ្ញាបណ្ណ័ដែរឬយ៉ាងណា។
ពាក់ពន្ធ័ការជីកកាយយកអាចម៍ដីលក់ពីក្នុងតំបន់ព្រៃលិចទឹក របស់ឈ្មួញឈ្មោះសេង មង្គល មន្ត្រីជលផលក៍ធ្លាប់បានលើកឡើងថា បើទោះបីច្បាប់អនុញ្ញាតអោយមានការជីកកាយ តែក៍មិនអនុញ្ញាតអោយឈូសឆាយឬជីករំលើងដើមឈើព្រៃលិចទឹកនោះដែរ។
ជាមួយការបញ្ជាក់ពីមន្ត្រីជំនាញបែបនេះ ក្រុមអ្នកព័ត៌មានដែលបានចុះទៅផ្តិតយករូបភាពផ្ទាល់ មិនត្រូវបានផ្តល់ព័ត៌មានជាក់លាក់ និងអនុញ្ញាតអោយចូលដល់រណ្តៅដីនោះទេ ដោយមានការរារាំងពីក្រុមមនុស្សរបស់លោកសេង មង្គល ដែលនៅយាមទីនោះ។ អីចឹងទេយើងមិនអាចសន្និដ្ឋានបានថា ការជីកយកអាចម៍ដីនេះ មានច្បាប់ឬអត់.? ហើយប្រសិនបើមានក៍មិនដឹងថា ត្រឹមត្រូវដែរឬអត់?។ចំណែកព្រៃឈើលិចទឹកដែល រងការឈូសឆាយបំផ្លាញ ក៍មិនដឹងថា អស់ចំនួនប៉ុន្មាននោះដែរ? តែបើមើលពីចំងាយឃើញថា ព្រៃឈើទាំងនោះក្លាយជាវាលរហោឋានទៅហើយ។
ទោះជាយ៉ាងណា ក្រុមពលរដ្ខក៍ដូចជាមហាជនក្នុងខេត្តសៀមរាប ទទូចសុំអោយមន្ទីរជំនាញនិងថ្នាក់លើពិចារណា រក្សាព្រៃលិចទឹកដែលនៅសេសសល់ កុំអោយឈ្មួញសេង មង្គល ឈូសបំផ្លាញតទៅទៀត.៕
