.នៅថ្ងៃទី២២ ខែមីនា ឆ្នាំ២០២៥នេះ វត្តព្រៃធុតង្គព្រះនិពាន្វ បានចាប់ផ្តើមធ្វើធុតង្គវគ្គខ្លីក្រោមការចូលរួមពីព្រះសង្ឃ.យាយជី.តាជី.និងពុទ្ធបរិសទ័ប្រមាណ ជាង៥០អង្គនាក់។
ការធ្វើធុតង្គនេះដឹកនាំដោយ ព្រះសុមនបិយរង្សី ស៊ិន សេត ព្រះរាជាគណៈថ្នាក់កិត្តិយស និងជាព្រះគ្រូចៅអធិការ វត្តព្រៃធុតង្គព្រះនិព្វាន និងក៍មានធម្មាចារ្យជំនួយក្នុងការបង្ហាត់បង្រៀនផងដែរ។
ព្រះអង្គបានមានសង្ឃដីការថា ពាក្យថាធុតង្គគឺសំដៅទៅយកការបដិបត្តិនៃកម្មដ្ឋាន ដើម្បីដុសខាត់ចិត្ត ដុតកំឡោចគិលេសតណ្ហា អោយសម្រេចនៅគុណធម៍តាមលំដាប់ថ្នាក់។ ព្រះអង្គបន្ថែមថា ការធ្វើធុតង្គក៍ជាស្ពាន ជាសំពៅសំប៉ាន ជាកំណប់ទ្រព្យសម្រាប់ចម្លងទៅជាតិមុខនិងដល់ដ្ឋានបរមសុខគឺព្រះនិព្វាន។
ព្រះគ្រូចៅអធិការវត្តព្រៃធុតង្គព្រះនិពាន្វបញ្ជាក់ថា ការធ្វើធុតង្គវគ្គខ្លីនេះ នឹងមានយាយជី តាជី ព្រមទាំងពុទ្ធបរិស័តជិតឆ្ងាយ ក្នុងនិងក្រៅប្រទេសជាច្រើនបានមកចូលរួមជាបន្តបន្ទាប់ដែលធ្វើអោយមានការកើនឡើងពីមួយថ្ងៃទៅមួយថ្ងៃ។
ហេតុដូច្នេះប្រសិនបើ សម្តេច ទ្រង់ ឯកឧត្តម លោកឧកញ៉ា លោកជំទាវ លោក លោកស្រីយាយជី តាជី ពុទ្ធបរិស័ត និងក្មួយៗទាំងជិតទាំងឆ្ងាយ មានបំណងចង់ធ្វើធុតង្គ សូមរូសរាន់មកកាន់វត្តព្រៃធុតង្គព្រះនិពាន្វ ឬទាក់ទងតាមរយ:លេខទូរសព្ទ័088 36 9999 2, 092 56 87 33, 097 49 73 880។
វត្តព្រៃធុតង្គព្រះនិពាន្វស្ថិតក្នុងភូមិត្រពាំងត្រុំ ឃុំពពេល ស្រុកសូទ្រនិគម ខេត្តសៀមរាប វត្តមួយនេះហ៊ុំពទ្ធ័ដោយព្រៃឈឺខ្ពស់ៗម្លប់ត្រឈឹងត្រឈៃនិងស្ងប់ស្តាត់ស័ក្តិសមជាកន្លែងតាំងសមាធិ និងធ្វើធុតង្គយ៉ាងពិតប្រាកដ។
ជាមួយគ្នានេះ ក៍មានការរាប់បាត្រ អង្គធុតង្គដែលធ្វើឡើងនៅវេលាម៉ោង ១០:៣០ នាទីព្រឹក អាស្រ័យហេតុនេះ សូមពុទ្ធបរិស័ទជិតឆ្ងាយមករាប់បាត្រ អោយបានគ្រប់ៗគ្នា ដើម្បីជាកុសលផលបុណ្យ។
សូមបញ្ជាក់ថា ការធ្វើធុតង្គនឹងប្រារព្ធធ្វើឡើងជារៀង រាល់ឆ្នាំ នៅក្នុងបរិវេណវត្តព្រៃធុតង្គព្រះនិពាន្វ ដោយកំណត់យកខែផល្គុនជាគោល៕
