Siem Reap Today Siem Reap Today
Related Articles
កែប÷ខេត្តទេសចរ ដែលហ៊ុំពទ្ធ័ដោយផ្ទៃទឹកសមុទ្រ (កែប)គ្រោងចំណាយថវិការប្រមាណជាង៣លានដុល្លារ សាងសង់ព្រះពទ្ធបដិមាកម្ពស់៤៥ម៉ែត្រនៅលើកំពូលភ្នំក្នុងដែនឧទ្យានជាតិ។ដែលសមិទ្ធផលនេះនឹងលេចរូបរាងនាអំឡុងពេល២ឆ្នាំ ខាងមុខ។
លោក មៀច ឯម ប្រធានមន្ទីរធម្មការនិងសាសនាខេត្តកែបបានឱ្យអ្នកកាសែតដឹងថា ដោយមានកិច្ចយល់ព្រមរបស់រដ្ឋមន្ត្រីក្រសួងធម្មការ និងបានការអនុញ្ញាតពីរដ្ឋមន្ត្រីក្រសួងបរិស្ថាន សម្តេចព្រះសង្ឃ នាយកនៃព្រះរាជាណាចក្រកម្ពុជា សហការជាមួយរដ្ឋបាលខេត្តកែប នឹងសម្រេចសាងសង់ព្រះពុទ្ធបដិមាកម្ពស់៤៥ ម៉ែត្រនៅលើកំពូលភ្នំក្នុងដែនឧទ្យានជាតិកែប។
លោកបន្តថា យោងលិខិតលេខ ៤១២ /២២. ក.អ.ស ចុះថ្ងៃទី១២ ខែកក្កដា ឆ្នាំ២០២២ របស់ក្រសួងធម្មការ និងសេចក្តីជូនដំណឹងលេខ ២១៤១. ស.ជ.ណ ចុះថ្ងៃទី២៨ ខែវិច្ឆិកា ឆ្នាំ២០២២ របស់ក្រសួងបរិស្ថាន គឺសម្ដេចព្រះមហាសុមេធាធិបតីកិត្តិឧទ្ទេសបណ្ឌិត នន្ទ ង៉ែត ទទួលបានការអនុញ្ញាតច្បាប់កសាងព្រះពុទ្ធរូបធំ១អង្គទ្រង់ឱ្យអភយទាន កម្ពស់៤៥ម៉ែត្រ នៅលើកំពូលភ្នំអតីតលោកសង្ឃចិនក្នុងមជ្ឈមណ្ឌលវិបស្សនាធុរៈខេត្តកែបស្ថិតនៅភូមិកែប សង្កាត់កែប ក្រុងកែប។
តាមរយ:ការចុះពិនិត្យទីតាំងពីសំណាក់ព្រះអង្គ ហ៊ឹម ប៊ុនធឿន ប្រធានពុទ្ធមណ្ឌលវិបស្សនាធុរៈនៃព្រះរា ជាណាចក្រកម្ពុជា អមដំណើរដោយលោក សោម ពិសិដ្ឋ អភិបាលខេត្តកែប កាលពីពេលថ្មីៗនេះ ក្រុមការងារបានសម្រេចសង់ព្រះពិទ្ធរូបបែរភក្ត្រទៅទិសខាងត្បូងឆៀងខាងកើតសំដៅចំសមុទ្រ។
លោកប្រធានមន្ទីរបានបន្តថា ពេលនេះ ក្រុមវិស្វករបានខួងយកសំណាកដីភ្នំទៅពិសោធន៍ ហើយអាចនឹងចាប់ផ្តើមនៅពេលផុតរដូវភ្លៀងធ្លាក់ខាងមុខ។ ក្នុងគម្រោងប្លង់លម្អិតគឺដំណើរការសាងសង់ត្រូវប្រើពេល ២ឆ្នាំ តែអាចគ្រោងរហូតដល់៤ឆ្នាំក្រែងលោមានហនិភ័យ ឬប្រធានស័កណាមួយកើតឡើង។
លោក មៀច ឯម បានបញ្ជាក់ថា តាមការប៉ាន់ប្រ មាណ សមិទ្ធផលនោះត្រូវចំណាយអស់ជាង៣លានដុល្លារ។ នេះជាគម្រោងថ្មីមួយទៀតរបស់ខេត្តកែបដើម្បីបម្រើវិស័យពុទ្ធចក្រដែលនឹងធ្វើឱ្យមានការរីកចម្រើនផ្នែកចំណេះដឹង និងអាចកៀរគរប្រាក់ចំណូលសម្រាប់បង្កើនជីវភាពគ្រួសារប្រជាពលរដ្ឋក្នុងសហគមន៍ទូទាំងខេត្តកែប៕
