.សៀមរាប៖ហាងផឹកស៊ី យីហោ(1629)ដែលចាក់ ភ្លេងបើកបំពងសម្លេងខ្លាំងៗ បង្កការរំខានដល់ពលរដ្ឋក្បែរខាង ត្រូវមន្ត្រីជំនាញរបស់ខេត្តសៀមរាប និងអាជ្ញាធរមូលដ្ឋានចុះណែនាំនិងធ្វើកិច្ចសន្យាដល់ហាង។
.ហាងផឹកស៊ី យីហោ(1629) បង្កការរំខានដល់ផ្ទះពលរដ្ឋនេះ ស្ថិតនៅមុខវិទ្យាល័យអង្គរ ស្ថិតក្នុងភូមិវត្តបូព៌ ក្នុងសង្កាត់សាលាកំរើក ក្រុងសៀមរាប។
.ប្រជាពលរដ្ឋបានឲ្យដឹងថា ហាង1629 បើកសំឡេងភ្លេងច្រៀងឮខ្លាំងៗ និងបើកភ្លើងហ្វាបាញ់ចូលផ្ទះពួក គាត់ ជាហេតុធ្វើឲ្យពួកគាត់មិនអាចដេកបាន ពួកគាត់សម្រេចឲ្យសារព័ត៌មានជួយផ្សព្វផ្សាយ។
ប្រភពបន្តថា ករណីនេះ អាជ្ញាធរភូមិសង្កាត់ នគរបាល និងមន្ទីរទេសចរណ៍ មន្ទីរបរិស្ថាន ធ្លាប់បានចុះទៅណែនាំនិងធ្វើកិច្ចសន្យាជាច្រើនលើកច្រើនសារដែរ ប៉ុន្តែហាង1629 នៅតែផ្គើនដដែល មិនខ្លាចទៅនិងមន្ទីរជំនាញអាជ្ញាធរពាក់ព័ន្ធឡើយ។
ទោះជាយ៉ាងណា ប្រជាពលរដ្ឋសង្ឃឹមថាអាជ្ញាធរជំនាញពាក់ព័ន្ធនឹងចុះបិទអាជីវកម្មនេះជាក់ជាពុំ ខាន។
សូមបញ្ជាក់ថា ម្ចាស់ទីតាំង ហាងផឹកស៊ី (1629) ឈ្មោះ ទី ឈិញ ភេទប្រុសអាយុ៣០ឆ្នាំ នៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប។
បើតាមកំណត់ហេតុរបស់មន្ទីសចរណ៍ខេត្តសៀមរាប បានបញ្ជាក់ថា ហាង (1629 )
១ .គ្មានអាជ្ញាប័ណ្ណទេសចរណ៍
២ .កំពុងដំណើរការចុះបញ្ជីពាណិជ្ជកម្មនៅខេត្ត
៣ .ហាងកំពុងមានកម្មវិធីផ្សព្វផ្សាយស្រាបៀរ និងបានស្នើសុំការប្រគុំតន្ត្រីនៅច្រកចេញចូលតែមួយសាលាក្រុង។
.បើតាមណត់ហេតុបញ្ជាក់ថា ១ ម្ចាស់អាជីវកម្មត្រូវទៅដាក់ពាក្យស្នើសុំអាជ្ញាប័ណ្ណទេសចរណ៍នៅច្រក ចេញចូលតែមួយរដ្ឋបាលខេត្តសៀមរាប។
២ ត្រូវផ្អាកការប្រគំតន្ត្រីនិងការបំពងសំឡេងធ្វើឲ្យមានការរំខានដល់អ្នកជិតខាង។
៣ ម្ចាស់អាជីវកម្ម ត្រូវកែសម្រួលឈ្មោះហាង 1629៕