Siem Reap Today Siem Reap Today
Related Articles
សៀមរាប៖ អាជ្ញាធរជាតិអប្សរា កាលពីរសៀលថ្ងៃទី ២៣ខែមីនា ឆ្នាំ២០២៣ បានចុះអនុស្សរណ:និងក្រុម ហ៊ុន AJE យោគយល់គ្នា ក្នុងគោលបំណងធ្វើឲ្យប្រសើរឡើងនូវសោភណ្ឌភាព អនាម័យ បរិស្ថានក្នុងតំបន់រមណីយដ្ឋានអង្គរ។
លោក Fabian Daniel Mosquera Vera នាយកគ្រប់គ្រងនៃ AJE ASEAN បានលើកឡើងថា រមណី យដ្ឋានប្រវត្តិសាស្ត្រអង្គរ ត្រូវបានដាក់បញ្ចូលក្នុងបញ្ជីបេតិកភណ្ឌពិភពលោករយៈពេល ៣ទសវត្ស។ខណ: នេះក្រុមហ៊ុន បានសហការជាមួយអាជ្ញាធរជាតិអប្សរាលើគម្រោងនិរន្តរភាពក្នុងការអភិរក្សរមណីយដ្ឋានអង្គរ អោយមានភាពប្រសើរឡើងថែមទៀត។
លោកបន្តថា គម្រោងនេះបានចាប់ផ្តើមនៅថ្ងៃទី ២៣ ខែមីនា ឆ្នាំ២០២៣ ក្រោមកាសហការណ៍ក្រុម ហ៊ុន «AJE ជាមួយអាជ្ញាធរជាតិអប្សរា ក្នុងការ ការ ពារបរិស្ថានអង្គរ»។ ទម្រង់នៃកិច្ចសហការណ៍នេះនឹងរួមបញ្ចូលការគាំទ្រក្នុងការផ្សព្វផ្សាយ យុទ្ធនាការបៃតងរួមគ្នា និងគម្រោងគ្រប់គ្រងកាកសំណល់។
លោកបានលើកឡើងទៀតថា យើងប្តេជ្ញាចិត្តយ៉ាងពេញទំហឹងនូវគោលដៅនិរន្តរភាពគ្រប់ទីកន្លែងដែលយើងដំណើរការ។ ចក្ខុវិស័យនេះក៏ពាក់ព័ន្ធជាមួយ នឹងវិធីសាស្ត្រថ្មី នៃតំបន់បេតិកភណ្ឌពិភពលោក ដែលត្រូវបានការពារនៅជុំវិញពិភពលោក។
លោកបញ្ជាក់ទៀតថា ទាំងនេះវាជាយុទ្ធសាស្ត្រដើម្បីនាំមកនូវមោទនភាព និងធ្វើឱ្យតំបន់បេតិកភណ្ឌពិភពលោកមានជីវិតឡើងវិញ។
ជាមួយគ្នានោះ ឯកឧត្តម ឡុង កុសល អគ្គនាយករងអាជ្ញាធរជាតិអប្សរា បានលើកឡើងថា ការចូលរួមសហការពីសំណាក់ក្រុមហ៊ុនឯកជនមួយនេះ គឺជាការធ្វើឲ្យប្រសើរឡើងនូវសោភណភាព អនាម័យ បរិស្ថានក្នុងតំបន់រមណីយដ្ឋានអង្គរ។
ឯកឧត្តមបន្ថែមថា កិច្ចសហការរវាងអាជ្ញាធរជាតិអប្សរា និងក្រុមហ៊ុនអាជេនេះ នឹងផ្តល់ផ្លែផ្កាយ៉ាងល្អប្រសើរបំផុតសម្រាប់រមណីយដ្ឋានអង្គរ ក៏ដូចជាការជួយការពារ អភិរក្សបេតិកភណ្ឌពិភពលោក។ ការចុះអនុស្សណៈនេះ ធ្វើឡើងសម្រាប់កិច្ចសហប្រតិបត្តិការចំនួន២សំខាន់ៗ ទី១ ការគ្រប់គ្រងកាកសំណល់ ទី២ ធ្វើឲ្យមានភាពបៃតង នៅក្នុងរមណីដ្ឋានអង្គរ។
ឯកឧត្តម ឡុង កុសល បញ្ជាក់ថា ក្នុងរយៈពេល ៣០ឆ្នាំនេះ រាល់សកម្មភាពរបស់អាជ្ញាធរជាតិអប្សរា នៅក្នុងការថែរក្សារមណីយដ្ឋានអង្គរ បើមិនមានការចូលរួមពីគ្រប់ភាគីទាំងរដ្ឋ ទាំងឯកជន ព្រមទាំងសហគមន៍ប្រជាពលរដ្ឋ នោះទេ គឺមិនអាចធ្វើទៅបានរលូននោះឡើ។ ដូច្នេះហើយទើបអាជ្ញាធរជាតិអប្សរា ខិតខំស្វែងរកកិច្ចសហការពីវិស័យឯកជនបន្ថែមទៀតយ៉ាងដូច្នេះ៕
