តំបន់អភិរក្សត្រីបឹងពារាំង កំពុងក្លាយជាតំបន់ ២ស៊ីអាត់ ក្រោយឈ្មួញពីរក្រុមដណ្តើមគ្នាជីកកាយយកដីលក់គ្មានការទប់ស្កាត់

    លោក អ៉ឹង សោភ័ណ្ឌ នាយកទីចាត់ការអន្តរវិស័យរដ្ឋបាលខេត្តសៀមរាប បានថ្លែងប្រាប់អ្នកសារព័ត៌មាននាពេលថ្មីៗនេះថា ពាក់ព័ន្ធនឹងគម្រោងស្តារ និងអភិរក្សនេះ មានការឯកភាពពីក្រសួងរួចហើយ។អ្នក ធ្វើពិបាក អ្នកថាស្រួលណាស់…. បន្ទាប់ពីស្តារមួយរយ:ពេល ជីវះចម្រះនឹងកើតឡើងវិញ។

  រីឯលោក ឡេង លាភ ប្រធានមន្ទីរ៉ែនិងថាមពលខេត្ត សៀមរាប ក៍បានបញ្ជាក់មកអ្នកសារព័ត៌មានថា ការជីកស្តារនេះ មានការអនុញ្ញាតគ្រប់ស្ថាប័ន។អាចសាក សួរទៅរដ្ឋបាលខេត្ត ដើម្បីច្បាស់ ព្រោះនេះជាគម្រោងរបស់ខេត្ត ។
   លោកលី វណ្ណៈ នាយករដ្ឋបាលសាលាខេត្តសៀម រាប ក៍បានថ្លែងប្រាប់អ្នកសារព័ត៌មានក្នុងពេលថ្មីៗដែរថា ជាការស្នើសុំរបស់មន្រ្តីជំនាញ និងមានការឯកភាពពីក្រសួងរួចហើយ ។

   ទោះជាបែបនេះ គេនៅមិនទាន់ដឹងថា តើចំណូលដែលបានពីការលក់អាចម៍ដី ដែលដឹកចេញពីបឹងពារាំយ៉ាងគគ្រឹកគគ្រែង ក្នុង១ថ្ងៃៗរាប់សិបឡាននេះ ចូលដល់រដ្ឋ ដែរឬយ៉ាងណានោះទេ។
  មន្ត្រីនៃសហគមន៍ក្នុងសង្កាត់ជ្រាវ និងសង្កាត់ចុង ឃ្នៀស មួយចំនួនបានបង្ហើបថា ចាប់តាំងពីមានការជីកស្តារដឹកដីចេញពីបឹងពារាំង មិនមានភ្ញៀវចូលទៅទស្សនាទេសភាពព្រៃលិចទឹក ក៍ដូចជាហ្វូងសត្វស្លាបក្នុងបឹងធម្មជាតិនេះទេ ខណ:ឆ្នាំកន្លងទៅមុនពេលជីកស្តារមានភ្ញៀវទៅទស្សនាស្ទើតែរកកាណូតដឹកជូនមិន បាន។
  ពួកគេក៍បានស្នើសុំអោយជំនាញពាក់ព័ន្ធ មេត្តាបើកការស៊ើបអង្កេត និងចុះទៅទប់ស្កាត់ជាបន្ទាន់ បើពុំដូច្នោះទេ ផ្លូវលំ និងដីបឹងធម្មជាតិ បឹងពារាំង ពិសេសដីល្បាប់ផ្នែកខាងលើ ដែលមានជីវ:ចម្រុះសម្រាប់ត្រីពងនិងកូន ត្រូវបំភ្លេចបំផ្លាញយ៉ាងធ្ងន់ធ្ងរ ក្រោមថ្វីដៃឈ្មួញពីរក្រុមនាពេលបច្ចុប្បន្នជាក់ជាមិនខាន។

   សូមបញ្ជាក់ថា ព្រោះតែដណ្តើមប្រយោជន៍គ្នាពីបឹងពារាំង កាលពីដើមខែកុម្ភះឆ្នាំ២០២២កន្លងទៅ ឈ្មួញពីក្រុមបានវ៉ៃតប់គ្នាយ៉ាងសាហាវព្រៃផ្សៃ រហូតគម្រាមបញ្ចប់តំណែងប្រធានសហគមន៍បឹងពារាំងទៀតផងនៅចំណុចកុងត្រូល ផ្លូវចូលទៅកាន់បឹងពារាំង។ភ្លាមនោះអាជ្ញាធរក៍ចុះទៅបិទសកម្មភាពជីកស្តារបឹងបានត្រឹមមួយដង្ហើមចង្រិត ហើយក៍បន្តបើកឡើងវិញ។
    អង្គភាពសារព័ត៌មាន សៀមរាបធូដេ រងចាំឆ្លើយ តបរាល់ការប្រតិកម្ម លើការជីកដឹកដីលក់ពីបឹងពារាំងរាល់ម៉ោងធ្វើការ៕