នោះ! រឿងជំទាវឈ្មួញដីប្រើឯកសារក្លែង ដើម្បីធ្វើបាបរាស្រ្ត បានកំពុងក្តៅដល់ព្រះឥន្ទហើយ ចាំមើលថាមានពពកខ្មៅមកបាំងទៀតឬយ៉ាងណា

rp 2 weeks ago Uncategorized Leave a comment 7 Views

សៀមរាប÷លោកជំទាវហ៊ុន ស៊ីណាត ដែលមនុស្សម្នាស្ទើតែទូទាំងស្រុកខ្មែរស្គាល់ថា ជាមាតាចិត្តធម៍ បានផ្ទុះប្រតិកម្មយ៉ាងខ្លាំងរហូត ចង់អោយស្បែកជើងស៊ីក្បាលអ្នកកាងជនជាប់ចោទឈ្មោះលី អ៊ុំអេង។
.ការប្រតិកម្មរបស់លោកជំទាវហ៊ុន ស៊ីណាត បែបនេះគឺបន្ទាប់ពីព័ត៍មានក្នុងស្រុក ក៍ដូចជាបណ្តាញសង្គមបានចុះផ្សាយជាហូរហែរ អំពីករណី តុលាការចេញដីកា បង្គាប់អោយចាប់ខ្លួន ជំទាវឧកញ៉ា បណ្ឌិតលី អ៊ុំអេង ម្តងជាពីរដង តែសមត្ថកិច្ចចាប់មិនបាន ហើយលោកជំទាវចិត្តធម៍ ដាក់ការសង្ស័យថាមានអ្នកកាង។

.ក្រោយឃើញព័ត៍មានចេញផ្សាយភ្លាម លោកជំទាវហ៊ុន ស៊ីណាត មិនទុកយូទេក៍ចូលទៅ ខមិនភ្លាមតែម្តងដោយសរសេរថា.ថាមិនចង់លូកមាត់រឿងសង្គមទេ តែឆ្ងល់ថាមនុស្សដូចនាងម្នាក់នេះ ដើរធ្វើបាបរាស្ត្រសោះនៅមានអាអ្នកកាងមនុស្សខូចអញ្ចឹងទៀត រកមុខអាអ្នកកាងនឹងដាក់ក្បាលវា៥ស្បែកជើងទៅ ឬក៍នាងនឹងមានជុំក្រឡង់.?

ជាមួយនឹងសំណេរក្នុងខមិនដ៍មុតស្រួចនេះ បង្ហាញអោយឃើញថា សូម្បីលោកជំទាវហ៊ុន ស៊ីណាត ក៍ដឹងពីភាពលោភលន់ និងពុធត្បុតអាក្រក់ដើរធ្វើបាបរាស្ត្ររបស់ជនជាប់ចោទលី អ៊ុំអេង ដែរ។ មិនតែប៉ុណ្ណោះលោកជំទាវក៍បានបង្ហាញ ពីការសង្ស័យថា រឿងចាប់ជនជាប់ចោទឈ្មោះលីអ៊ុំអេងមិនបាន ក៍ព្រោះតែមានអ្នកកាង ព្រោះលោកជំទាវបានបញ្ជាក់ថា (រកមុខអាអ្នកកាងនឹងដាក់ក្បាលវា៥ស្បែកជើងទៅ)។

.ពាក្យខមិន របស់លោកជំទាវចិត្តធម៍ ប៉ុន្មានឃ្លានេះមិនត្រឹមតែចង់បញ្ជាក់ដល់ជនពាក់ពន្ធ័(អ្នកកាង)អោយដកខ្លួនចេញប៉ុណ្ណោះទេ ផ្ទុយទៅវិញគឺបានទៅអង្រួនបេះដូងរបស់អ្នកភូមិ នៃស្រុកបន្ទាយស្រី រាប់សិបនាក់អោយដឹងថា ពួកគេនឹងទទួលបានភាពយុត្តិធម៍(បានដីធ្វើស្រែវិញ)ប្រសិនបើលី អ៊ុំអេង ត្រូវបាន ឃុំខ្លួន។

.តាមរយ:ខមិន លោកជំទាវហ៊ុន ស៊ីណាត អ្នកភូមិនៃស្រុកបន្ទាយស្រីរាប់សិបនាក់ បានថ្លែងប្រាប់អ្នកព័ត៍មានអោយដឹងថា ពួកគាត់រងនូវការរំលោភយកដី ពីសំណាក់ជំទាវលី អ៊ុំអេង រាប់ឆ្នាំមកហើយ។ ព្រោះតែជំទាវរូបនេះ អ្នកខ្លះធ្វើចំណាកស្រុក អ្នកខ្លះជាប់ពន្ធនាគារ មានដីតែគ្មានសិទ្ធអាស្រ័យផល។

ក្រុមអ្នកភូមិបានបន្ថែមថា ប៉ុន្មានថ្ងៃនេះឃើញព័ត៍មានចុះផ្សាយពីការឡោមពទ្ធ័ចាប់ខ្លួនលីអ៊ុំអេង តាមដីកាតុលាការ និងឃើញលោកជំទាវហ៊ុន ស៊ីណាត ជួយឈឺឆ្អាលផង ពួកគាត់សង្ឃឹមថា តុលាការនឹងឃុំខ្លួនលីអ៊ុំអេង ព្រមទាំងផ្តល់យុត្តធម៍ដោយប្រគល់ដីដល់ពួកគាត់វិញ។

សូមបញ្ជាក់ថា កាលពីថ្ងៃទី១៩ ខែសីហាឆ្នាំ២០២៤ កន្លងទៅនេះ កម្លាំងអាវុធហត្ថផ្ទៃប្រទេស សហការជាមួយកម្លាំងអាវុធហត្ថ ខេត្តសៀមរាប ឡោមពទ្ធ័ផ្ទះជំទាវលី អ៊ុំអេង ដើម្បីចាប់ខ្លួនជននេះ ទៅតាមអំណាចដីកា លេខ៣៣៤ចខស/ឌចុះថ្ងៃទី៧ខែសីហាឆ្នាំ២០២៤ ចុះហត្ថលេខាដោយលោក ហេង ឈៀងគ្រី ចៅក្រមស៊ើបសួរសាលាដំបូងខេត្តសៀមរាប។ ពីបទ ៖ ប្រើប្រាស់ឯកសារសាធារណៈក្លែង ប្រព្រឹត្តនៅក្រុងសៀមរាប ខេត្ត សៀមរាប កាលពីអំឡុងខែកុម្ភៈ រហូតដល់ខែតុលា ឆ្នាំ២០២២ បទល្មើសព្រហ្មទណ្ឌមានចែង និងកំណត់ឱ្យផ្តន្ទា ទោសតាមបញ្ញត្តិមាត្រា ៦៣០ នៃក្រមព្រហ្មទណ្ឌ។

ប៉ុន្តែនៅថ្ងៃដដែល ក្រុមសមត្ថកិច្ចនាំគ្នាឡើងឡានចាកចេញពីការឡោមពទ្ធ័ ដោយពុំបានវាយខ្នោះជំទាវរុញចូលឡាននោះទេ។ ករណីនេះព័ត៍មានក៍បានចុះផ្សាយហូរហែរ រហូតលោកជំទាវហ៊ុន ស៊ីណាត អត់ទ្រាំលែងបានក៍ចូលខមិន បែបអោយស៊ីស្បែកជើង ដូចបានបញ្ជាក់ខាងលើ។

សូមរំលឹកផងដែរថា ជំទាវឈ្មួញដី ឧកញ៉ាបណ្ឌិតលី អ៊ុំអេង ដែលជោគជាំដោយរឿងអាស្រូវ កាលពីថ្ងៃទី៨ ខែវិច្ឆិកាឆ្នាំ២០១៨ សមត្ថកិច្ចអាវុធហត្ថខេត្តសៀមរាប ធ្លាប់បានចាប់វាយខ្នោះបញ្ជូនទៅតុលាការម្តងរួចមកហើយករណីចេញសែកអត់សាច់ប្រាក់(សែកស្អុយ)ក្នុងជំនួញដីធ្លី។
បើរឿងក្តៅដល់ព្រះឥន្ទបែបនេះ ចាំមើលថាតើបុគ្គលដែកកាងជនខិលខូចអាចចេញមុខទៀតដែរទេ.? ហើយជំទាវ ឧកញ៉ាបណ្ឌិត ដែលហ៊ុំពទ្ធ័ដោយរឿង អាស្រូវលី អ៊ុំអេង អាចរួចផុតពីសំណាញ់ច្បាប់ឬយ៉ាងណា៕